Nutaarsiassat

Transparency International Greenland nunarsuarmioqatigiinni nukittuunut ataatsimoortunut ilaavoq peqquserluttarnermut akiuiniarlutik nunat akimorlugit suliniaqatigiinnut. Ukiumut aggersumut anguniagassatut siunnerfiit inissipput Transparency Internationalip ukiumoortumik ataatsimeersuareernerani. Tranparency International Greenlandimut isumaqarpoq soorlu aatsitassarsiornerup iluani peqquserluuteqartoqariataartoqarsinnaaneranut alapernaaserneq annertusisamik eqqumaffigalugutaassuma saniatigut whistleblowerinillu illersuiniarneq aamma annertusillugu. Transparency Internationali ukiumoortumik ataatsimeersuarpoq sap. ak. naanerani 26.-27. november. Ilaasortat nunarsuaq akimorlugumeersut immikkoortortat 100-nik sinnillit arlariinnik isumaqatigiissusiorput iliuusissiamut… »

Inuiaqatigiinni whistleblowerit pisariaqartippagut Inatsisartuni siullermiusumik Oktoberip ulluisa 20-anni pingaarutilerujussuaq sammineqartussaavoq inatsisissatut siunnersuusiortoqassasoq, whistleblowerinut illersuutaasussanngortussaq. Matumuuna Transparency International Greenland kaammattuerusuppoq Inatsisartuni partiinit tamanit siunnersuusiaq taperseqqullugu. Kalaallit Nunatsinni annertuumik allaffissornermik ingerlatsiveqarpugut, Nuummi Namminersorlutik Oqartussaniinnaananilu kommuneniinnaanngitsoq. Nukiit pigisagut, nunakkut immakkullu, nunamut tamarmut siaruarsimasumiipput. Transparency International Greenlandip pingaarutilerujussuartut isigaa, kikkut tamarmik nukiit taakku illersussagaat paarilluarlugillu. Nakkutilliilluarneq nakkutiginnilluarnerillu naammaginanngimmata. Pisariaqartipparput,… »

Pisortat suliffeqarfiutaanni siulersuisut TIG malussaateqarpoq Naalakkersuisut piginneqatigiiffiini arlariinni siulersuisut siulittaasui ilaasortaatitallu nutaanngorsimasut. Tamaat tamakkunuunatigut malinnaatinneqarsimanngillat sooq peertoqartariaqarsimanersoq nutaanillu sooq inuttaliisoqartariaqartoqarsimanersoq. Uppernassutsimut avammut ersarissaateqartannginnera innarliisinnaavoq. Qanoq issagaluarpamitami imaattumik tusagassiuutinut nalunaarusiortoqarsimagaluarpat: ”Naalakkersuisut nuannaarutigalugu nalunaarutigerusuppaat,  piginneqatigiiffimmut piginnaasatigut tulluartumik pigisalinnik siulittaasortaartoqarsimallunilu ilaasortaatitaqartoqalersimasoq pisariaqarsorineqarmat.” Naalakkersuisut ukiumoortumik nalunarusiaanni 2021-meersumi allassimavoq piumasaqaataasoq nittartakkakkut nalunaarsuisoqartassasoq takusutissiissutigalugu siulersuisui ilaasortaatitallu aqutsisoqarfimmilu inuttat sutigut piginnaasaqarnersut sammisamut… »

Transparency Interntional Greenland ilaasortatik ilaasortanngorusuttullu pingasunngornermi marsip ulluisa 30-anni 2022 oqallinnermut kingornalu Ataatsimeersuartitsinermut qaaqquai. Ataatsimiinnerit Jens Kreutzmannip Aqq. 4A, 1 salimi ingerlanneqassapput. Peqataaniarraanni nalunaaruteqassapput uunga malikkut [email protected] kingusinnerpaamik marsip 28-ani. Oqallinneq nal. 16 – 16.50 ingerlanneqassaaq Sextortion – atuuffini atorlugu pissaanermik atornerluilluni killisamik qanngiisarneq pillugu oqallinneq. Nunatsinni taamaattoqartarpa? Qanoq iliuuseqarsinnaavugut? Saqqummiineq oqallinnerlu. Ataasimeersuarneq nal. 17… »

TUSAGASSIUTITIGUT NALUNAARUT, 29. juni 2021 Namminersorlutik Oqartussat suliffeqarfiutaani siulersuisunut ilaasortanik nutaanik toqqaasanermi ammanerusumik ingerlatsisoqartarnissaa Transparency International Greenlandip ujartorpaa. Matoqqasumik ingerlatsisoqarnera ajornartorsiutaavoq, unioqqutitsisoqarsimasinnaaneranimmi isumaliulersitsisinnaasarami. Pissaanermik atornerluinerup kammalaatersornerullu akiorniarneranut ammasumik periuseqarneq sakkussaani pitsaanerpaavoq. Suleriusissaq nutaaq ukioq manna siusinnerusukkut saqqummiunneqartoq atorneqarsimanngitsoq TIG-p paasivaa, isumaqarpugullu minnerpaatut Siulittaasoqarfiup allaffeqarfianinngaanniik avammut, tamanut ersittumik, ukioq manna ataatsimeersuarnerni periusissaq tamanna pillugu nalunaarutiginnittoqalaarsimasinnaagaluartoq. Ukiup… »

Transparency international Greenlandimi ilaasortagut ilaasortanngorusussinnaasunillu oqallitsitsinissamut ataatsimersuarnissamullu qaaqquagut. Katuap inersuaarani apriilip 28-ani 2021. Qanoq peqquserluttoqartartigineranik takoorluuinermut uuttuut pillugu oqallinneq nal. 16 – 16.45 Inuiaqatigiit qanoq peqquserluttoqartartigineranik takorluuinerannik ersersitsisumik misissuinermik Transparency International Greenland saqqummersitseqqammerpoq. Misissuineq tusagassiuutini sammineqangaatsiarsimavoq, ataatsimiinnermilu inernerit qaqinneqanngitsut ilaat eqqartussavagut. Suliat misissuinermut tunuliaqutsiisut pillugit aamma saqqummiissaagut oqaaseqaatisilu isumassarsiorfigalugit. Ataatsimeersuarneq ingerlanneqarumaarpoq nal. 17-18. »

Tusagassiuutinut nalunaarut TIG (Transparency International Greenland) tamat oqartussaaqataanerannut tapersiilluni kaammattuuteqarusuppoq ikorfartuuteqarusullunilu, Illoqarfimminni nunallu sinneranut tamarmut, qineqqusaartut innarligassinnaannginnerinik nittarsaassinermigut kiisalu peqquserlulluni iluanaarniartarnernillu qanoq unitsitsiniaasoqarsinnaaneranik, siunnersuusiorsimalluni. Qineqqusaartussat tamakkerlugit isummersornissaannut periarfissippai, tatiginninnermut, pissaanermik atornerluisarnermut saqqumilaarnerunissamullu tunngasunik apeqqutinik katillugit sisamanik, partiinullu tamanut qinigassanngortitaminnut agguaassinnaasungorlugit, ullumi partiit allaffiinut nassiunneqarput. TIG misissueqqissaarinneqqammerpoq, inuiaqatigiit paasiniaaffigalugit qanoq peqquserluuteqartarnerit, Global Corruption Barometerilu (Nunarsuarmut tamarmut… »

Nunatsinni pissutsinik isornartoqartillugu oqaatilliisinnaanissamut periarfissiinerunissarput pisariqarpoq   Junip ulluisa 23-t tassaavoq Nunarsuarmi Isornartoqartillugu Oqaatilliisinnaanerup Ullua tamannalu nalliussiniarlugu Transparency International Greenlandip malunnartikkusuppaa inuiaqatigiinni taamaaliorsinnaanerup qanoq pingaaruteqartiginera immikkut sammilaarusullugu. Oqaatilliisinnaassutsip ileqqorlunnnerit aningaasanik tillinnerit pinaveersaartissinnaavai pinngitsoortittarsinnaallugillu pisunik ajortunik uparuaasinnaanermikkut.   Oqaatilliisartut nunarsuarmi tamarmi inuiaqatigiinni ajoqusiutaasinnaasunik akiuiniarnerminni atorfitik, inuussutissarsiutitik ilaannilu allaat inuunertik ulorianartorsiortillugu imminnut pilliutigisinnaasarput.  Pissutsinik eqqunngitsunik uparuaaniarnermi sapiissuseq annertooq pigisariaqarpoq… »

Transparency International Greenland siulittaasortaarlunilu siulersuisortaartoq     Sisamanngornermi maajip 28-ani 2020 Transparency International Greenland – TIG – ukiumoortumik ataatsimersuartitsinerani Birita í Dali siulittaasutut nutaatut toqqarneqarpoq. Anita Hoffer 2014-miilli siulittaasuusimasoq 2011-miilli ilaasortaasimasoq maannalu siulittaasut tulliattut ingerlaqqittoq taarserlugu siulittaasunngorpoq. Aammattaaq Anita Hoffer 2011-mi peqatigiiffimmik pilersitseqataavoq taamanililu siulersuisuni ilaasortaalluni. Qullersani taarseraanneq qulakkeerniarlugu peqatigiiffimmilu ammanerusumik periuseqarnissaq siunertaralugu qinigaaffinni tulleriinni marlunni qinigaasoqarsinnaanngitsoq… »

Transparency international Greenland ilaasortatik Katuap Ineeraanut majip ulluisa 28–t 2020 ataatsimeeqatiserivai kingornalu Ataatsimersuarnermut qaaqquai.  Covid-19 pisortallu piumasaqaataat pissutaallutik inuit katerittoqarnerani annerpaamik 40–innaaqqusaapput. Taamaammat eqqaamallugu pisussanut taakkununnga marlunnut peqataanissamut nalunaareersimanissaq. Peqataarusukkuit kingusinnerpaamik majip 26–at tikitsinnagu uunga nalunaarit [email protected]  Ilaasortanut ataatsimiititsineqassaaq nal. 16-16.45  Coronaqarnerani nunatsinni pisut oqallisigineqassapput. Killilersuutigitinneqartut tunngaviatigut pisinnaatitaaffitsinni attuippat amerlanerussutillit oqaasissaqartitaanerat sanngiillitippaat kiisalu naammattumik ammasumik… »

COVID-19-ip tuniluunnerata siaruaannerata annikillisinniarlugu oqartussat innersuussutaat tunngavigalugit Transparency International Greenlandip ataatsimeersuarnissaa kinguartipparput. Malittarisassat naapertorlugit apriilip naanginnerani ataatsimeersuarneq ingerlanneqartussaavoq, inunnilli katerisimaarnerit oqartussaniit killilersorneqarunnaarnissaata tungaanut ataatsimersuarnerup kinguartinnissaa siulersuisut aalajangersimavaat. »

april 2020 Ammalluinnartumik periuseqarnissaq Transparency International Greenlandip  kaammattuutigaa  Innuttaasut coronavirusimut illersorniarlugit iliuuseqarnissaq pingaaruteqarpoq. Aammattaaq pingaaruteqarpoq inatsisip nukingiussap innuttaasut pisinnaatitaaffiinut sunniutaasinnaasut pillugit erseqqilluinnartumik Naalakkersuisut Inatsisartullu nassuiaateqarnissaat. Assersuutigalugu pinngitsaaliissummik nakorsartittoqarsinnaalissaaq, napparsimasunut immikkut uninngasarfimmut napparsimavimmulluunniit pinngitsaaliissummik unitsitsisoqarsinnaalissalluni. Politiit eqqartuussivinnit akuersissuteqaqqaaratik angerlarsimaffinnut isersinnaanngortinneqassanersut, kaffisortitsisunik akerliussutsimillu takutitsisunik unitsitsisinnaalissanersut inatsisissatut siunnersuummi erseqqissumik allassimanngitsoq Transparency International Greenlandimit maluginiarneqarpoq. “Suliniutit annertupput kingunissaalu pillugit ammanerpaamik… »