Transparency International suliniaqatigiiffiuvoq pingaartumik paasisitsiniaanikkut peqquserluttarnermik akiuiniarluni suliaqartoq. Suliniaqatigiiffiup 1993-imili aallartinneqarnerminiit peqquserluttarneq akiorniarlugu suliaqarnerpaanut ilaavoq. Transparency Internationalip suliniarfii marlunngorlugit avinneqarsinnaapput.
- Paasisitsiniaaneq: Sumiiffippassuarni ukiunilu arlaqartuni peqquserluttuliorneq inuiaqatigiinnik ingerlatsinermut ilaaginnartutut isigineqarsimavoq nunanilumi arlalinni suli taamaalluni. Taamaattumik peqquserluttuliornerup ajornartorsiutaanerata eqqumaffigineqalernissaa oqaluuserineqalernissaalu anguniarlugit Transparency International nammineerluni sulivoq.
- Suliniaqatigiiffiit kattuffiat: TI nunani 90-it qaangerlugit amerlassusilinni nuna tamakkerlugu peqatigiiffinnut kattuffittut ingerlavoq. Nunani peqatigiiffiit Transparency Greenland assigalugu peqquserluttuliorneq akiorniarlugu, pinaveersaartinniarlugu paasisitsiniutiginiarlugulu nammineerlutik suliaqarput.
Sulinerminut atatillugu Transparency International sakkussanik nutaanik pilersitsiuarpoq taamaaliornikkut peqquserluttuliorneq ersersinniarlugu. Sakkussat ilaat taaneqarsinnaasut tassapput CPI (Corruption Perceptions Index), BPI (Bribe Payer´s Index) kiisalu GCB (Global Corruption Barometer).
Transparency Internation pillugu paasissutissat annertunerusut taakku nittartagaami uani takuneqarsinnaapput:
www.transparency.org
Periussissaq: TI Strategy2030_HOLDING POWER TO ACCOUNT
Whistleblower, takuuk International Whistleblower Support Organisation
Tusagassiorfinnut nalunaarut