Transparency International Greenland nunarsuarmioqatigiinni nukittuunut ataatsimoortunut ilaavoq peqquserluttarnermut akiuiniarlutik nunat akimorlugit suliniaqatigiinnut.
Ukiumut aggersumut anguniagassatut siunnerfiit inissipput Transparency Internationalip ukiumoortumik ataatsimeersuareernerani. Tranparency International Greenlandimut isumaqarpoq soorlu aatsitassarsiornerup iluani peqquserluuteqartoqariataartoqarsinnaaneranut alapernaaserneq annertusisamik eqqumaffigalugutaassuma saniatigut whistleblowerinillu illersuiniarneq aamma annertusillugu.
Transparency Internationali ukiumoortumik ataatsimeersuarpoq sap. ak. naanerani 26.-27. november. Ilaasortat nunarsuaq akimorlugumeersut immikkoortortat 100-nik sinnillit arlariinnik isumaqatigiissusiorput iliuusissiamut ‘Holding Power to Account 2020-2030’-mut ilalersuutaasussanik. Taassuma saniatigut nunarsuaq tamakkerlugu siulersuisuni ilaasortassanik taasisoqarluni.
Ilassutissatut aaliangersakkat pingasut ukuupput:
- Ruslandip Ukrainemut sorsunnerata naapertuutinngitsup peqqaarnitsullu asissornissaa nunanilu aquttuusartut imminnuinnaq iluanaartinniarlutik inuiaqatigiit isiginiaqqaarnagit ingerlariusillit akersuuffiginissaat suliassanut siullinnguutsillugit.
Kalaallit Nunaannut imaalissaaq Naalagaaffeqatigiinnerup iluani ammaffigeqatigiilernermik kinguneqartitsiniaanissaq, suliffeqarfiit oqartussalluunniit, Ruslandimik nioqquteqarnikkut mattusseqataanngitsunut akiuiniarnissaq kiisalu pinerlunnikkut aningaasarsianik malunnarunnaarsaasarnerup akiorniarnissaa.
- Transparency International (IT)-p EITI-mi (Piiaanikkut suliniuteqarfinni pissutsinik ersarissumik ingerlariuseqalernissaq) suliniuteqarfimmut akuunerata nukittorsaaviginissaa.
Kalaallit Nunaanni suliniutitsinnut tunngatillugu aatsitassarsiornermut sammititsinerput ingerlateqqiinnassavarput. Kalaallit aatsitassaatiminnut nammineerlutik piginnittussaatitaapput peqquserluuteqartoqassagaluarpat inuiaqatigiinnut tamanna tuttussaavoq, iluanaarutaasussaagaluit allamut ingerlassammata. Transparency International sakkussanik ajutoorfiusinnaasunillu qaammarsaateqartuarnissaminut sulissuteqartuassaaq ineriartortitsiuarlunilu. Innuttanut pitsaasumik malinnaatitsiuarnissaq peqataaffigissavarput.
- Nunat akimorlugit peqquserluuteqartarnernut sorsuuteqarneq. Ingerlatseriaatsit pioreersut pissusissamisoortumik ingerlalernissaat anguniarlugu. Innuttanik akuutitsineq.
Peqquserluuteqartoqaraangat nioqqutissat akitsortarput, taamaammat eqqumaffigissavarput, nioqqutissanik niuerfinni peqquserluuteqartoqartannginnera. Innuttaasut ilisimasarpassuaqartarput, kinaluunniit ilisimasalik kajumissaarumavarput sassaqqullugu, inerteqqutinik eqqunngitsuliortoqartarnerup tungaatigut. Ingerlatsinermut tatiginninneq tamat oqartussaaneranni tunngavissanut pingaarnernut ilaavoq.
Transparency International Greenland nunarsuaq tamakkerlugu eqeersaasunut ilaavoq. Isumaqatigiissusiat tamakkerlugit tapersernikuuagut tamaasalu 2021-2025 Iliuusissiatsinnut ilanngukkumaarlutigit.
Transparency Internationalip ilanngullugu oqaluttuaraa, peqquserluttarnernut akersuuteqartarnerit alloriaateqarsimasut taamaakkaluarli tamat oqartussaaneratigut ileqqut suleriutsillu, ’tamanut illersuutaasussaagaluit’ ulorianartorsiortinneqartut. Taamaattumik kattuffiup tamakkerluni 2026-mut iliuusissiaminnut ilanngullugu ”nunat akimorlugit eqqunngitsuliat ajugaaniarfigiumallugit tamallu oqartussaanerat illersorumallugu innarligaasinnaannginnissaata tungaa sakkortusaavigiumallugu”.