September 25. 2015 FNip New Yorkimi nunani siuttunik ataatsimiititsinerani ineriartornermi siunniussat imaannaanngitsut isumaqatigiissutigineqarput. Isumaqatigiissutitullu aaliangiunneqartut 1. Januar 2016-imiit attuuttussanngortinneqarput taamallu taakku naleraliunneqarput 2030-mi nunarsuarmi innuttaasut nunarsuattalu immineq nungusaataanngitsumik ineriartortitsiviulernissaanut.
Nunarsuaq tamakkerlugu anguniakkat qulequttat 17-iusut ataanni ipput angusiniarnermi ataani suliniutissat 169-iusut, taakkunani FNip ataani nunat 193-it ilaasortaasut suleqatigiissutigissallugu nunarsuarmi piitsuunerup, kaattarnerup, naligiinnginnerup, ilinniarsinnaanermik pitsaasumik periarfissanissanut, tulluuttunik suliffeqarsinnaanermut nungusaataanngitsumillu aningaasaqarnikkut qaffakkiartortitsinermut tunngasut appartillugillu nugunnissaasa anguneqarnissaat. Aamma siunnerfigineqarput eqqissinerup siammarsarnissaa, isumannaatsumik tunngavissaqalernissaq, nukittuunik ingerlatsiveqarnissaq aammalu nunarsuarmi nunat akornanni akimut suleqatigiinnerulernissaq. Taamatut ilisumik pineqartup akuersaarpaa, inuit akornanni atugaasut, aningasaqarnikkut avatangiisitigullu ineriartornerit, isumannaassuseq nunarsuarmilu siammasissumik suleqatigiinneq imminnut ataqatigiilluinnarmata aammalu pisariaqarmat suleqatigiilluni suliniuteqarnissaq timitalerumallugit ineriartortitsinermi angusat ataavartuulernissaat.