Elna pissaanermik atornerluinermik akersuuttuuvoq naapertuilluanngitsuliornerillu qulaarneqaraangata tunuarsimaarnani nipituuliuutigisarpai. Elna pasinapiluttumik kalerriisuuvoq kinaassutsiminik isertuussinngitsoq.
Transparency Greenland 2011-mi inuussutissarsiornermi pisortanit, eqqartuussissuserisunit, kukkunersiuisunit, tusagassiortunit ilisimatuuniillu ammasumik ingerlatsinerup siuarsarnissaanik anguniagaqatigiittunit pilersinneqarpoq. Elna Egede Kalaallit Nunaanni Tusagassiortut Peqatigiiffiannit toqqagaalluni 2011-miit 2013-imut siulersuisuni ilaasortaavoq. Piffissami tamatumani isumassarsisitsisorujussuuvoq, oqaatsini allakkanilu erseqqissumik oqaatigisaramigit. Isummani aalajangiusimajuartarpai.
Tusagassiortut Elnatut ittut, pissaanermik atornerluinermik qulaajaasut, tamat oqartussaaqataanerannut pingaaruteqarluinnartuupput taamatullu inuiaqatigiit ingerlalluarnissaannik toqqammaviliisuullutik.
Elna, ataqqinnilluta qujamasullutalu eqqaaniarpatsigit. Eqqaamaneqarnerit ataqqinartuuli.
Transparency International Greenland, Siulersuisut