TUSAGASSIUUTINUT NALUNAARUT
Decembarip 9-ani Ammasuunermut nersornaasiisoqassaaq
Transparency International Greenland Ammasuunermut nersornaammut innersuussisoqarnissaanut ammavoq, decembarip 9-ani 2024-mi nersornaat tunniunneqassaaq. Nersornaasiinermi siunertaavoq Kalaallini Inuiaqatigiinni innuttanik nersorinnikkusunneq, isorinnissinnaassuseqarlutillu ammanerusumillu ingerlatsisoqarnissaanik piumasaqartunik.
Ammasuunermut nersornaasiisarnermi siunertaavoq Kalaallini Inuiaqatigiinni innuttanik nersorinnikkusunneq, Kalaallit Nunaanni inuiaqatigiinni ammasuunissamik sulissuteqartunik, takutitserusuttunillu qanoq ileqqorluuteqartarnerit kinguneqarsinnaasartut. Suliniutaasalumi takutittarpaat, qanoq pingaaruteqartigisoq ileqqorlunnermik pimoorussamik akiuiniarluni sulissuteqartuarnissap pingaaruteqassusaa.
Ammasumik ingerlatsineq pissaanermik atornerluinermik qanitanillu salliutitsinermik akiuisuuvoq. Soorlu kuseriarnerit sikumik aseruisartut quppanillu pilersitsillutik. Ammasumik ingerlatsinerup tamat oqartussaaqataanerannut tatiginninnerulersitsillunilu inuiaqatigiinni pisuussutsinik naapertuilluarnerusumik agguaanneqarnissaanik iluaqusiivoq.
Decembarip aallaqqaataata 2024-p tungaanut kinaluunniit inummik, kattuffimmik, peqatigiiffimmik suliffeqarfimmilluunniit piukkussaminik Kalaallit Nunaanni ammasuunerminut/minnut nersornaaserneqarnissaanut/saannut nalunaaruteqarluni innersuussuteqarsinnaatitaavoq. Nalunaarnissamut ulloq killigititaq qaangiuppat ataatsimiititaliap innersuunneqarsimasut nalilersuiffigissavaat nersorneqartussamillu toqqaallutik. Kalaallit Nunaanni Ammasuunermut Nersornaat kimulluunniit/kikkunnulluunnit nersornaasiissutigineqarsinnaavoq, inummut ataatsimut suliffeqarfimmulluunniit. Assersuutigalugu pasinapiluttumik kallerisaarisartumut, nutaarsiassaqartitsivimmut peqquserlulluni iluanaarniartarneq pillugu qulaajaasimasumut, suliffeqarfimmut innimiilliorneq pillugu qaammarsaallunilu akiuniartumut tunniunneqarsinnaalluni. Innersuunneqartut assigiissutigivaat assigiinngitsutigut ammasumik ingerlatsineq, peqquserlulluni iluanaarniartarneq pissaanermillu atornerluineq pillugit ukkatarineqarnissaanik suliaqartuunertik.
Takussutissatut nersornaammut ilanngullugit 10.000 kr-nit tunniunneqassapput.
Qanoq iliussavit? [email protected] allassaatit. Qulequtserlugu Åbenhedspris.
Kina aamma sooq innersuunnerlugu nassuiassavat.
Siorna Ammasuunermut Nersornaat 2023 Sermitsiamut nersornaasiunneqarpoq, inuiaqatigiinni inukinnerusuni nutaarsiassaqartitsineq navianarsinnaasartoq pillugu tikkuussisimanermikkut nangittumik sapiissuseqarnerat tunngavigalugu.
Kalaallit Nunaanni Ammasuunermut Nersornaat pillugu apeqqutissaqaruit Transparency Greenlandimut attaveqarnissarnut tikilluaqqusaavutit, mailikkut attavissaq: [email protected].
