Tusagassiuutitigut nalunaarut
Transparency International Greenlands (TIG´s) Ammasunermut nersornaammik nersornaasiinissamut Ataatsimiittartoqatigiivisa aalajangiuppaat ukioq manna innersuussinissamut piffissaliussaq sivitsorneqassasoq, 24. januar 2025-p ullulikkamik.
-2024-mi decembarip aallaqqaataata tungaanut Kalaallit Nunaanni innuttaasut 2024-mi nersornaaserneqarsinnaasunik innersuussitinneqarput. Innersuussutilli ikippallaarneri pissutigalugu Ataatsimiittartoqatigiit nersornaasigassamik toqqaasinnaasimanngillat, TIG-p siulittaasua Inuk Lundblad oqarpoq.
Ataatsimiittartoqatigiit kajumissaarutigaat inummik, katuffimmik, peqatigiiffimmik suliffeqarfimmilluunniit Kalaallit Nunaanniittumik ukiup ingerlanerani malunaatilimmik ammasuunermut kiisalu ileqqorissaanermik pingaartitsilluni sulisimasumik nersornaasigassaqqissumillu innersuussaqaqqullugit. Nersornaat tunniunneqartartoq inuiaqatigiinni innarlitsaalisaanermut pingaaruteqarpoq taamalu nersorniarneqartussaapput soorlu ileqqorluttuunermik allatullu iliorlutik pissaanermik atornerluisunik akiuiniartut.
-Innersuussutit ikittuinnaammata pisariaqarsoraarput nersornaammik tunniussisarnermut siunertaasoq aalajangiusimasariaqarlutigu taamalu TIG-ip siulersuisuinut inassutigaarput innersuussinissamut killissarititaasoq ammaqqinneqassasoq, TIG-mi siulittaasoq Inuk Lundblad oqarpoq.
Taamaattumik innersuusserusuttunut piffissarititaasoq maanna 24. januar 2025-mut sivitsorneqarpoq.