TUSAGASSIORFINNUT NALUNAARUT
Transparency International Greenlandimi siulersuisut nutaanik ilaasortaliinikkut nukittuallatsinneqarput
Transparency International Greenland (TIG) qanittumi ileqquusumik ataatsimeersuarami siulersuisumik ilaasortaat ilavaat, kattuffimmi anguniakkaminnik nukittorsaaqatigerusullugit, ammanerulernissaq, innarlerniagassaanngissuseq Kalaallillu Nunaanni peqquserlulluni iluanaarniartarnerit akiorniarlugit anguniakkatigut sullisseqataaniassammata.
Siulersuisut ilaasortartaavi immikkut tamarmik assigiinngitsunik piginnaasaqartuupput misilittagaqartuullutillu tamanut ammasuni ingerlatsivinni misilittagallit, innuttanik sullissinerni, inuussutissarsiutigalugu suliffiit iluini, ilinniarnertuujussutsikkullu. Paasisimasatigut pimoorussinermikkullu TIG-imi suliatigut pilersaarusiornermut ineriartortitseqataalissapput inuiaqatigiinni oqallitsitsinermi nipi ersarissoq sumulluunniit attaveqanngitsumik oqallitsitsisoq, inuiaqatigiinni ammasumik ingerlatsinikkullu torersumik ingerlasoqarsinnaaneranik, qulakkeerinneqaataaniarsinnaanngorlutik.
Siulersuisunut ilaasortaat ukuulerput Inuk Lundblad, siulittaasoq, Dorte Munch, siulittaasumut tullersorti, Tobias Qvist-Aaen, Luvisa Kristiansen, Birita í Dali, Bodil Karlshøj kiisalu Sheila Sariboga.
Transparency International Greenlandip siulittaasua, Inuk Lundblad, oqaaseqarpoq:
“Nuannaarutigeqaarput siulersuisuni ilaasortartaagut tikilluaqusinnaagatsigit. Tunuliaqutaat assigiinngitsut inuiaqatigiinnilu ammanerusumik akisussaaffeqarnerusumillu ingerlatsinissamut pimoorusseqataanerat suliatsinnut pingaarutilerujussuuvoq. Piffissami uani, ingerlatsivippassuit nunarsuaq tamakkerlugumi ilungersunartorsiortinneqaleruttorfiini, pingaarutilerujussuuvoq nukittuumik siulersuisoqarnissaq, siuttuusinnaasunik allanngueqataasinnaasunillu.”
Transparency International Greenland Nunarsuaq tamakkerlugu atuuttumut Transparency Internationalimut ilaavoq, peqquserlulluni iluanaarniarnermut akiuisoq innarlerniagassaanngissutsimullu siuarsaasoq pisortat ingerlatsiviini tamanut atuuttuni namminersorlutillu ingerlatsivinnittaaq. Ilaasortartaagullu TIG-imi qilanaaraarput suliatta nanginnissaat akimut ersittumik ingerlatsisoqartarnissaanik anguniakkatsigut kiisalu Kalaallit Nunaat tamat oqartussaanerannik qulequtalimmik ingerlasup anguniarnerani.
TIG ataatsimeersuarami ukiorpanngortuni allattoqarfimmi pisortarisimasartik Bodil Karlshøj inuulluaqquvaat. Kisianni Bodil peqatigiiffimmi sulliissiinnassaaq, tamatumuuna siulersuisuni ilaasortatut ivertilluni.