Tusagassiorfinnut nalunaarut
Tranparency International Greenlandip (TIG´p) Ammasunermut nersornaammik nersornaasiinissamut Ataatsimiittartoqatigiivi nersornaasigassatut innersuussutinik nutaanik attuumassuteqartunillu 2024-mut tunngatillugu pissarsisimanngillat.
-Ajoraluartumik innersuussuteqartoqanngilaq. Taamaattumik nersornaasiinissamut Ataatsimiittartoqatigiit aalajangerput innersuussanik ujartuineq 2024-mut tunngatitaq unitsinniarlugu, taama oqarpoq TIG-mi siulittaasoq Inuk Lundblad.
Nersornaasiinissamut Ataatsimiittartoqatigiit innersuussinissamut killigitaq ammaqqikkaluarpaat 24. januar 2025-mut killiligaq. Periarfissarli nutaaq Ammasuunermut nersornaammik tunisinissamut tunngavissiinngitsoorpoq.
-Neriuutigaarpulli ukioq manna periarfissaq una peqatigiiffinnit, kattuffinnit inuinnarnillu atorluarneqarluni innersuussuteqarfiujumaartoq. Innersuussinissamut periarfissaq ukiup naalernerani ammaanneqarumaarpoq, taama oqarpoq Inuk Lundblad, Transparency International Greenlandip siulittaasua.