Transparency International Greenlandip ilaasortani tamaasa qaaqquai pasinapiluttumik kalerriisut pillugit tusarnaariarlutillu oqalliseqataaqqullugit. Tamanna pivoq ullumikkut Inatsisartut Kalaallit Nunaanni pasinapiluttumik kalerriisunik illersuineq pillugu Inatsisartut inatsisaat Inatsisartunit akuerineqarmat.
Pingasunngornermi juunip 5-ianni nal. 16.00-17.30 Jens Kreutzmannip Aqq. 4A1
Pilersaarut
Inuk Lundblad, TIG-imi siulittaasoq, pasinapiluttumik kalerriisunut tunngatillugu peqatigiiffiup sulinera pillugu saqqummiissaaq
Asii Chemnitz Narup, Inatsisartunut ilaasortaq, pasinapiluttumik kalerriisunut inatsimmik 2022-mi aalajangiiffigisassatut siunnersuuteqarnerminut tunuliaqutaasunik saqqummiissaaq.
Tobias Qvist-Aaen, Arctic Law-imeersoq, inatsisit suliallu naammattoorneqartartut pillugit saqqummiissaaq
Oqallinneq: Qanoq ililluta sulisut siunissami pasinapiluttumik kalerriisinnaassuseqarnissaat qulakkeersinnaavarput?
Kaffi, tii lagkagilu sassaalliutigineqassapput.
Ataatsimiinnerup kingorna nalunaaqutaq 17.30 immikkut ittumik ataatsimeersuartoqassaaq, ataatsimik oqaluuserisassartalimmik:
- Siulersuisunut qinerseqqinneq sinniisussanillu qinersineq.
(Siulersuisut maanna tallimanik ilaasortaqarput, 1-mik 2-nnilluunniit ilaasortat ilaneqarnissaat kissaatigineqarluni)
Ataatsimiinnerit qallunaatut ingerlanneqassapput.
Piumaguit [email protected] aqqutigalugu peqataanissat nalunaarutigiuk.
Aggialluarisi.
Siulersuisut