Transparency International Greenlandileqquusumik ataatsimeersuarpoq. Anita Hoffer siulittaasutut ingerlaqqippoq Naaja H. Nathanielsen siulittaasup tulliatut inissilluni. Siulersuisunullu ilaasortat ukuulerput: Aviaq Brandt, Dora Drechsel, Melissa Geisler Krogsgaard, Birita í Dali aamma Rasmus Riley. Sinniisussatullu inissippoq Sara Olsvig.
Siulersuisut 2019-imi aamma qitiutillugit samminiarpaat oqartusaaffiit avammut ammasumik sulillutillu aqutsinissaat. Tassanilu pineqarput aaliangiisarnerni ammasu-mik sulinissaq aamma inuiaqatigiinnik oqaloqatiginnittarlunilu attaveqartarnissaq.
”Aaliangiinissammi ammasumik suleriuseqarluni ingerlanneqartarpata, tamanna peqquserlunniarsinnaanermik akiuiniarnermi sakkussaavoq pitsaasoq”, siulersuisut ataatsimoortut nalunaarput. Taamatummi innuttaasunik akuliutsitsisarneq demo-kratiip eqqortup aamma aaliangiinerit ersittumik ingerlannissaannut aqqutissaap-put.
TIG aamma suliniarpoq NGO-nik allanik oqaloqatiginninneq suleqateqarnerlu nukittorsarumallugit. Tamakku anguniarneqassapputt aaqqissuussisarnikkut allatullu piginnaanerisanik annertusaasarnikkut.
Siulersuisut ukiumut nalunaaarutaat atuarneqarsinnaavoq iserfigalugu: www.transparency.gl