Transparency International Greenland allaffissornermut aqutsisussarsiorpoq.
17.09.2025
TIG-mi allaffitsinni pisortassarsiorpugut – piffissap ilaannartoq eqaatsumik ingerlanneqarsinnaasoq, piffissap ingerlanerani atorfittut iluitsutut pigineqalersinnaasoq.
Suleqatitaarisassarput suliffik isumaqangaartoq iserfigisussaavaa, inuiaqatigiinnut tamallu oqartussaanerannut iluaqusersuutaasussaq.
Transparency International Greenland (TIG) eqiingasumik iliuuseqarsinnaassusilimmillu allaffipput pisortassarsiuupparput. Atorfinittussaq ilaannakortumik sulisassaaq, kisianni, aningaasassartilissagutsigu tamakkiisunngorsinnasoq sulilerumaartussaq piumassappat allanngortinneqariaannaassaaq.
Allaffissornikkut pisortatut akisussaaffigissavatit kattuffimmik ingerlatsisuunissat ineriartortitsinissallu. TIG piumassutsimikkut sulisunik sulisoqarluni ingerlatsiviuvoq, aamma taamaappoq siulersuisoqarnerup tungaa. Taamaattumik sulisortaariumaagassarput, namminersorluni sulisinnaassuseqarlunilu iliuuseqarsinnaassuseqassaaq.
Suliassariumaagassatit soorlu makkuussapput
- Allaffitsinni ulluinnarni aqutsisoq
- Aningaasaateqarfinnut qinnuteqaasiornerit – tassunga ilaavoq allaffissornikkut sulisoqarnermillu pitsanngorsaaneq
- Nittartagaq nittartakkakkullu tamat naapittarfiisigut aallussinerit.
- Qaammarsaanermik suliaqarneq, pikkorissaanerit akunniliullunilu sullissinerit
- Nunarsuaq tamakkerlugu Transparency Internationalimut attaveqaataaneq
- Sukumiisumik paasisassarsiorneq nunatta iluani nunarsuullu sinnerani
- Siulersuisut suliaannik tapersersorlugit
Piginnaassutsikkut kissaatit
- Ilisimasatit tigussaasunngorlugit pilersaarusiukkamik sammisassiarisinnaassavatit
- Piffimmi attuumassuteqarlutillu inuiaqatigiit ilisimasaqarfigisariaqarpatit
- Oqallorissuullutillu oqariartuutinik ersarisaasinnaasariaqarputit
- Pitsaassaqaaq kalaallisut qallunaatullu oqalussinnaallutillu allassinnaaguit taamatuttaarlu tuluit oqaasii ilisimasaqarfigigukkit
- Uppernartuullutillu, pimoorissisuullutillu akisussaaffeqartuussaatit
- Aqutsinikkut ingerlatsinermik misilittagaqarsimaguit iluaqutaassaaq
Atugassarititat
- Atorfik ullup ilaannaanut suliffiuvoq, sapaatip akunneranut annerpaamik nalunaaquttap akunneri 20-t.
- Akissarsiassaq piginnaasat misilittakkallu aallaavigalugit aaliangersaaffigineqassaaq.
- Atorfininnissap qaquguussanera, isumaqatigiissuteqarnikkut piumaarpoq.
Ima qinnuteqassaatit
Qinnuteqaatit CV-llu paasissutissallu attuumassutillit uunga nassiutikkit [email protected] novemberip aallaqqaataat tikitsinnagu.
Apeqqutissaqaruit uunga apeqquteqarsinnaavutit [email protected] siulersuisunullu ilaasortanik attaveqarfeqarsinnaallutit.