Tusagassiuutinut nalunaarut
Inatsisartunut komunalbestyrelsemullu qinersinermi 2025 – qineqqusaartunut apeqqutit
Transparency International Greenland kissaateqarpoq, tamat oqartussaanerannut, najukkami nunamullu tamarmut tapersiissuteqarusulluni, qineqqusaartut innarlitsaaliorneqarnissaatigut erseqqissaateqarluni kiisalu peqquserlullunilu iluanaarniartarnerup akiornissaanut siunnersuuteqarluni. Partiit ullumikkut apeqqutit sisamat tiguaat, tatiginnermut, pasinapiluttumik kalerriisarnermut, nunanit allaniit sunniiniutit, aammalu pissaanermik atornerluineq.
Transpareny International Greenland 2020 misissueqqissaarnikuuvoq innuttaasut, peqquserlulluni iluanaarniartarnermut, Global Corruption Parometerimut saniatigullu aningaasanik qinersinermut tapiissutaasartunut tunngassutilinnut uagullu taakkuninnga tunngaveqarluta qineqqusaartunut apeqqusiagut qanoq, isiginnittaaseqarfigineraat isummersorfigineraallu paasiniaqqissaarlutigit.
Transparency International Greenlandip siulittaasua Inuk Lundblad ima oqaaseqarpoq:
”Innuttanik akuutitsisarneq ammasumillu periuseqartitsisarneq tassaapput peqquserlulluni iluanaarniartarnermut pinaveersaartitsinissamut tamallu oqartussaanerinut nukittorsaanissamut sakkussatsialaat pitsaasut. Qineqqusaartut periarfissippagut quleqquttanut ammasumik isummersuuteqarsinnaanngorlugit taamaallillutik imaallat aamma qinersisartut qinigassamik isumaat paasissavaat soorlu tatiginninnikkut ammasumillu periuseqartarnissakkut inuiaqatigiinni unamminartorsiutaasinnaasunutisummersuutissaqarnersut. Erseqqissaatigissavara qineqqusaartut apeqqutigineqartunut akissutiminni Transparency International Greenlandimut akisussaaffiligaanngimmata”.
Apeqqutit ullumi partiinut nassiussorneqarput kajumissaarneqarlutik martsip ulluisa qulingat tikitsinnagu inuit naapittarfisigut akissuteqaatitik saqqummersissagaat unalu ilannguttarsinnaagaat #transparentvalg2025.